Сайлау — азаматтық жауапкершілік

Сайлау туралы айтқанда, көбіне «кімге дауыс беремін?» деген сұрақ бірінші орынға шығады. Бірақ одан бұрын тағы бір маңызды сұрақ бар: «Мен өз таңдауымды қаншалықты түсініп жасап отырмын?»

Меніңше, жауапты сайлаушының басты ерекшелігі – асықпай шешім қабылдауы.

Партиялардың ұсыныстарын салыстыру, маңызды мәселелер бойынша көзқарасын білу, ақпаратты тексеру – мұның бәрі саналы таңдаудың бөлігі.

Сайлау азаматтың еркін пікірін білдіруіне мүмкіндік береді. Сондықтан ешкім адамға қысым көрсетпеуі, оның таңдауына заңсыз ықпал етпеуі керек.

Өз таңдауын жасау – әр адамның жеке құқығы.

Ал сол құқықты ойланып пайдалану – азаматтық жауапкершілік.

Сондықтан сайлауда ең маңыздысы біреудің пікірін қайталау емес, өз ұстанымыңды қалыптастыру деп ойлаймын.

Әлия Айтжанова, дін мәселелері және қоғаммен байланыс жөніндегі орталығының психологі.